سەرۆکی یەکێتیی جیهانی زانایانی مسوڵمان، پ.د. عەلی قەرەداغی، لە دەوحە پێشوازی لە باڵیۆزی عێراق دەكات؛ لەپێناو تاوتوێکردنی هاوکاری و پشتیوانیکردنی پرسە ئیسلامییەکان.

پرۆفیسۆر دکتۆر عەلی محێدین قەرەداغی، سەرۆکی یەکێتیی جیهانیی زانایانی موسڵمانان، ڕۆژی دووشەممە لە نووسینگەی خۆی لە بارەگای سەرەکی یەکێتییەكە لە دەوحە، پێشوازی كرد لە بەڕێز محەمەد جەعفەر سەدر، باڵیۆزی کۆماری عێراق.

لە میانی دیدارەکەدا، هەردوولا باسیان لە ڕێگاکانی پەرەپێدانی هاوکاریی هاوبەش و ژمارەیەک پرسی گەل کرد، لەگەڵ جەختکردنەوە لە پشتیوانیکردنی هەوڵە زانستی و هزرییەكان و پەرەپێدانی پەیوەندی نێوان دامەزراوە ئایینی و ئەکادیمییەکان لە جیهانی ئیسلامیدا.

هەروەها جەخت لە گرنگیی بەردەوامیدان بەو کارە هاوبەشانە کرایەوە کە خزمەت بە پرسە ئیسلامییەکان دەکات و پەرە بە ڕۆحی گفتوگۆ و لێکتێگەیشتن دەدات و هاوكارە بۆ چەسپاندنی بەها نێوەندییەكان و دادپەروەری.