بەم نزیكانە زنجیرەیەكی زانستیی نوێی پ.د. عەلی قەرەداغی لە مانگی ڕەمەزاندا بڵاو دەكرێتەوە

بەم نزیكانە و لە مانگی پیرۆزی ڕەمەزانی ساڵی 2025، زنجیرەیەكی زانستیی نوێی پ.د. عەلی قەرەداغی، سەرۆكی یەكێتیی جیهانیی زانایانی مسوڵمان پەخش دەكرێت بەناونیشانی "لەگەڵ پێغەمبەران و پەیامبەران". كە بە هاودەستی و بەشداربوونی چەند زانایەكی تری گەورە زنجیرەكە تۆمار كراوە. بەشداربووانی زنجیرەكە برتیین لە:

عەلی محێدین قەرەداغی – سەرۆكی یەكێتیی جیهانیی زانایانی مسوڵمان

محمد الحسن ولد الددو – جێگری سەرۆكی یەكێتیی جیهانیی زانایانی مسوڵمان

علی بن محمد الصلابي – ئەمینداری گشتیی یەكێتیی جیهانیی زانایانی مسوڵمان

فضل عبدالله مراد – ئەمینداری هاوكاری یەكێتیی جیهانیی زانایانی مسوڵمان

نورالدین الخادمي – ئەندامی دەستەی ئەمیندارانی یەكێتیی جیهانیی زانایانی مسوڵمان

عبدالحي یوسف - ئەندامی دەستەی ئەمیندارانی یەكێتیی جیهانیی زانایانی مسوڵمان

شایەنی باسە وەرزی یەكەمی زنجیرەكە تایبەتە بە باسی پێغەمبەر ئادەمەوە – سەلامی خودای لەسەر-، كە لەو وەرزەدا، لەڕێی سی ئەڵقەوە گفتوگۆ لەسەر دیارترین ئەو گومانە دەكرێت كە لەلایەن ناخوداكان و گومان لەدڵەكانەوە وروژێنراون و ڕووبەڕووی پرسی بەدیهێنان و بوون و سەرەتای مرۆڤایەتی كراوەنەتەوە. هەروەها هەر یەكێك لەو گومانانە ڕەت دەكاتەوە و بەپێی بەڵگەی ئەقڵی و نقڵی و بەڵگەی زانستیی متمانەپێكراو و فێركارییەكانی ئیسلام و شەریعەت؛ وەڵامیان دەداتەوە.

لە زنجیرەكەدا وتاری ڕۆحی و وتاری ئەقڵیی زانستی بەیەكەوە كۆكراونەتەوە، كە هەر یەكێكیان بۆ تێراوكردنی دڵ و دەروون و هزر و هۆش گرنگن. بەجۆرێكی هاوسەنگی وا كە بەپێی فیقهی میزان، كلتوور و مێژوو لەگەڵ دیدی واقیعی و مەبەستدار كۆدەكاتەوە.