پیرۆزباییە بەردەوامەکان بۆ پ.د. عەلی قەرەداغی و جەختکردنەوەی لە یەکڕیزیی جیهانیی ئیسلامی

پیرۆزباییەکان لە سەرۆک و بەرپرس و ناودار و گەورە کەسایەتییەکانی جیهانی ئیسلامییەوە بەردەوامن بۆ پڕۆفیسۆر دکتۆر عەلی قەرەداغی، بەبۆنەی هەڵبژێردرانی وەک سەرۆکی یەکێتیی جیهانیی زانایانی موسڵمان. ئەم لێشاوە لە پیرۆزباییەکان، ئاماژەیەکی ڕوونە بۆ بایەخی پۆستەکە و قورسایی و پێگەی دکتۆر قەرەداغی لە نێو کۆمەڵگای ئیسلامیدا.

لەلای خۆیەوە، پ.د. عەلی قەرەداغی، سوپاس و پێزانینی قووڵی خۆی دەربڕی بەرامبەر بەم هەموو پاڵپشتییە کە لە سەرانی جیهانی ئیسلامییەوە پێی دەگات. ناوبراو لەم دەرفەتەدا، گرنگیی یەکێتیی جیهانیی زانایانی موسڵمانی دووپاتکردەوە لە یەکخستنی هەوڵە زانستی و ڕۆحییەکاندا، بە ئامانجی خزمەتکردنی ئیسلام و مسوڵمانان لە سەرتاسەری گۆی زەویدا.

هەروەها سەرۆکی یەکێتییەکە جەختی لەسەر پێویستیی هاریکاریی نێودەوڵەتی و تێگەیشتنی هاوبەش لەگەڵ زانایان و ڕێکخراوە ئیسلامییەکاندا کردەوە. ئەمەش بە مەبەستی ڕووبەڕووبوونەوەی ئەو ئاڵنگارییە گەورانەی کە دێنە سەر ڕێی مسوڵمانان. دکتۆر قەرەداغی داوای کاری هاوبەشی کرد بۆ پەرەپێدانی ئاشتی و لێبوردەیی و وەستانەوەیەکی یەکگرتوو لە دژی هەموو جۆرە لادان و تیرۆرێک کە هەڕەشە لە بەهاکانی ئیسلام دەکەن.