بەڕێز بافڵ جەلال تاڵەبانی، سەرۆكی یەكێتی نیشتمانی كوردستان، لە پەیامێكی پیرۆزباییدا، پیرۆزبایی پۆستی نوێی كرد لە پ. د. عەلی قەرەداغی و هیوای خواست كە زیاتر بتوانێت بەردەوام بێت لە خزمەتكردنی گەلانی مسوڵمان.

دەقی پەیامەكە:

بەناوی خوای گەورە و میهرەبان

برای بەڕێزمان دکتۆر عەلی قەرەداغی

بەبۆنەی هەڵبژاردنتان وەک سەرۆکی یەکێتیی جیهانیی زانایانی موسڵمان، پیرۆزبایی خۆمان و یەکێتیی نیشتمانیی کوردستانتان ئاڕاستە دەکەم.

هیوادارم ئەم بەرپرسیارێتییە نوێیە ببێتە مایەی خزمەتکردنی زیاتری موسڵمانان، یەکڕیزیی گەلی کورد و قووڵکردنەوەی ئاشتی و پێکەوەژیان لەنێوان سەرجەم ئایین و نەتەوەکاندا، کە دڵنیاین بە ئەزموونی قووڵ و لێهاتوویی خۆتان لە رابردوودا، هەوڵەکانی داهاتووشتان لەو پێناوەدا دەبێت.

خوای گەورە سەربەرز و سەرکەوتووتان بکات

دڵسۆزتان

بافڵ جەلال تاڵەبانی

سەرۆکی یەکێتیی نیشتمانیی کوردستان