كتێبی (كۆمەڵگە و گەشەپێدان) بریتییە لە كۆكراوەی سەرجەم ئەو چاوپێكەوتنانەی بەڕیز پ. د. عەلی محێدین قەرەداغی، لە میانەی سەردانە بەردەوامەكانی بۆ كوردستان، لە ساڵانی پێش 2011 لەگەڵ تەلەفزیۆن  و ڕۆژنامە و میدیا و گۆڤارە كوردییەكان ئەنجامی داون، وەك تەلەفزیۆنی یەكگرتوو، ڕۆژنامەی میدیا، ئاوێنە، بانگی هەق، هاوڵاتی و چەندان پێگەی ڕاگەیاندنی تر.

لەو چاوپێكەوتنانەدا چەندین جۆر پرسیاری ئاڕاستە كراوە لەڕووی ئابووری و دارایی و سیاسی و كۆمەڵایەتی و ڕۆشنبیرییەوە، بەڕێزیشیان وەك هەمیشە هەوڵی داوە لەڕێی وەڵامەكانیەوە، ئەزموون و زانستی خۆی بخاتە خزمەتی گەلی كورد و بەرەو پێش بردنی كوردستان. هەر لەبەر ئەم هۆكارەش بوو كە ئەم چاوپێكەوتنانە لەدوو توێی كتێبێك بەو ناونیشانە (كۆمەڵگە و گەشەپێدان) كۆكرانەوە.

 هەندێ لە بابەتەكانی چاوپێكەوتنەكان، ئەمانە دەگرنە خۆ: لێكهەڵوەشانەوەی عێراق و بەرژەوەندیی كورد، زانستی مرۆڤ و بازنەی حەڵاڵ، پۆستی سیاسی لە ژیانی د. عەلی قەرەداغی، زانكۆی گەشەپێدانی مرۆیی و دامەزراندنی ڕابیتەی ئیسلامی كورد، كە هەردووكیان لەلایەن پ.د. عەلی قەرەداغییەوە دامەزراون و تا ئێستاش (2024) لە كاروبارە زانستی و فێرخوازی و خێرخوازییەكانی خۆیان بەردەوامن.

وردەكاریی سەرەكی لەبارەی كتێبەكەوە، ئەمانە دەگرێتەوە:

• زمانی بنەڕەتی: كوردی

• ئامادە كراوە لەلایەن نوسینگەی ڕاگەیاندنی د. عەلی قەرەداغی

• ژمارەی لاپەڕە: 201

• ساڵی بڵاوبوونەوە: 2011

بۆ خوێندنەوەی ئەم پەڕتووكە، كرتە لێرە بكە